„კალა კაპიტალ ლიმიტედის" დირექტორები ჯორჯ ათანასი და სუზან კალოგრეიდსი „ნაციონალური მოძრაობის" დღევანდელ განცხადებას ეხმაურებიან.

განცხადებაში ნათქვამია, რომ  კომპანიას შექმნის დღიდან არასდროს საოპერაციო-საბანკო ანგარიში კვიპროსში ან სხვა რომელიმე ქვეყანაში არ ჰქონია.

„ჩვენ, „კალა კაპიტალ ლიმიტედის" დირექტორები ჯორჯ ათანასი და სუზან კალოგრეიდსი ვაცხადებთ, რომ კომპანიას შექმნის დღიდან არასდროს საოპერაციო-საბანკო ანგარიში კვიპროსში ან სხვა რომელიმე ქვეყანაში არ ჰქონია. შესაბამისად, არანაირი გადარიცხვა კომპანიის მიერ 2016 წლის განმავლობაში არ განხორციელებულა. აგრეთვე, არ გაცემულა მესამე პირებზე უფლებამოსილება საბანკო ანგარიშის გახსნასთან დაკავშირებით", - ნათქვამია განცხადებაში.