მაია კახიძე სამწუხარო ინფორმაციას ავრცელებს.

„სამწუხაროდ, მოულოდნელად გარდაიცვალა ცხინვალის ივანე მაჩაბლის თეატრის მსახიობი გიორგი რევაზიშვილი

ან გული და ან წნევაო... ორი დღე არ გამოჩენილა და მერე შინ იპოვეს ძირს დავარდნილი...რა დასანანია, არაჩვეულებრივი ადამიანი და მსახიობი  იყო. უჰ, რა ძნელია წარსულ დროში წერა... ქართული თეატრის ისტორიის ტრაგიკულ ფურცლად დარჩება გიორგი რევაზიშვილის ნაადრევი წასვლა...

მთელი თავისი ხანმოკლე ცხოვრება სცენის მსახურებაში გაატარა, არ ჰყოლია მფარველი, პატრონი, მხოლოდ საკუთარი ნიჭითა და პიროვნული ღირსებით გაიკვლია გზა და მოძებნა საკუთარი ადგილი, იპოვა თავისი თავი იმ სივრცეში, რომლის გარეშეც არსებობა ვერ წარმოედგინა. თეატრი იყო მისი ცხოვრება! არაერთი სპექტაკლი მინახავს მისი მონაწილეობით.

გიორგი რევაზიშვილი აღარ არის და ჯერ ამის გაცნობიერება შეუძლებელია.

ვუსამძიმრებ თეატრს, სადაც ჩემი მეგობრებიც მოღვაწეობენ, კოლეგებს, ახლობლებს, ოჯახს და თეატრალურ სამყაროს. კიდევ ერთი კარგი ადამიანი შეუერთდა ზეციურ სააქართველოს!

მსუბუქი იყოს გიორგისთვის მშობლიური მიწა!“- წერს კახიძე.