ბელგიაში, ბრიუსელში, მასშტაბური სპეცოპერაციის შედეგად პოლიციამ 12 ადამიანი დააკავა. მათ ბრალი ტერორისტული აქტების ორგანიზებაში ედებათ. უცხოური მედიის ინფორმაციით, ისინი აღნიშნული ტერორისტული აქტების განხორციელებას „ევრო 2016"-ის თამაშებზე აპირებდნენ.

მასშტაბური სპეცოპერაცია ქვეყნის 16 მუნიციპალიტეტში, ძირითადად, დედაქალაქ ბრიუსელის ირგვლივ განხორციელდა. ბელგიის ფედერალური პროკურორის განმარტებით, ჩხრეკისას იარაღი ან რაიმე სახის ასაფეთქებელი მოწყობილობა აღმოჩენილი არ არის.