„ნუ მოაწერენ ხელს, საკონსტიტუო ცვლილებები მაინც გავა. თავადაც ხვდებიან, რომ კატასტროფის პირას არიან, რამის თავი რომ ჰქონდეთ, აქამდე გააკეთებდნენ. მაგათი საქმე დამთავრებულია, ხელისუფლებაში ვეღარ მოვლენ" - ასე ეხმაურება ისტორიკოსი გიორგი ოთხმეუზური საკონსტიტუციო ცვლილებებთან დაკავშირებით არსებულ პერიპეტიებს.

„ძალინ კარგად დაინახა ოპოზიციამ, რაც გაკეთდა პანდემიის დროს. რაც შეეძლო ხელისუფლებას, ყველაფერი გააკეთა. შეწუხდა კი არა მთელი მსოფლიო შეაწუხა და ფული იშოვა. ახლა ატეხეს ყვირილი, საფრანგეთში და ამერიაკში მეორე დღესვე დაარიგეს დახმარებაო, იტალიამ ამ საათიდან ამ საათში დარიგაო. ასეთი არითმეტიკა გაგიგიათ, მერე ჩვენ ვართ საფრანგეთის და აშშ-ს დონეზე? დახმარებას რომ გაძლევს რომელიმე ქვეყანა, ჯერ შეთანხმებას ხომ უნდა მოეწეროს ხელი, შემდეგ თვითონ უნდა დალაგდეს, როგორ და რა ფორმით გააკეთოს. აქეთ გადარიცხვა, აქეთ დარიგების სქემა, ამას დრო არ სიჭირდება? მაგრამ ამის გაგება არ უნდათ. ჯერ იყო და ექიმებს დაესხნენ თავს, უმცროსი ვაშაძე და გვარამია ტესტებით დარბოდნენ, ექიმებს არ დაუჯეროთ, ჩვენ დაგვიჯერეთ, როგორ გიმკურნალოთო. პანდემიის პროცესი რომ არ გაგვექცა, ნახონ ჩვენზე ძლიერ ქვეყნებში რა ხდება, ხელისუფლების დამსახურებაა, პროფესიონალებს რომ დაუჯერა. თვითონ ერთპიროვნულად არ წყვეტდნენ საკითხებს? მახსვოს, აჭარის წინ მიწას თხრიდნენ რაღაც მაღალი შენობა უნდა აეშენებინათ, ვარდოსანიძემ და დავითაიამ, ცნობილმა სპეციალიტებმა უთხრეს, რომ ეს არ შეიძლებოდა, მაშინდელი ქალაქის მერი უგულავა გამოვიდა და ირონიით თქვა, ყველა პროფესორი გამომივიდაო; იმ უგულავამ, პოლიტიაპტიმრად რომ გამოაცხადეს.

ამიტომ, არ ვეთანხმები სალომე ზურაბიშვილის გადაწყვტილებას, დარწმუნებული ვარ, არავის ჩარევა არ ყოფილა და დამოუკიდებლად მიიღო ეს გადაწყვტილება. ზოგი კი ამართლებს, განმუხტა სიტუაციაო. რა განმუხტა, ილაპარკებდნენ და დამთავრდებოდა ამით. ვიდრე შეწყალების აქტს ხელს მოაწერდა, უცხოელებისთვის მიეწერა ვის გათავისუფლებას გვთხოვთ, კაცმა 48 მილიონი გაფლანგაო. ან სად წერია რომელ კანონში, რომ არჩევნებამდე შვიდი თვით ადრე არ შეიძლება ადამიანის დაჭერა, ვისაც ასეთი დანაშაული აქვს ჩადენილი.

ამ ექსტრემალური სიტუაციის დროს კარგად გამოჩნდა ყველაფერი, ვინ ვინ არის, ხელისუფლება ცდილობს როგორმე ქვეყანა გადარჩინოს, ესენი კი ასეთ ბოროტებას ჩადიან ქვეყნის წინაშე. ნუ მოაწერენ ხელს, ეს პროექტი მაინც გავა. თვითონვე გრძნობენ, რომ კატასტროფის პირას არიან. რამდენიმე მაინც მოხვდება პარლამენტში და მერე რა აიტანთ მაგათ. არჩევნებამდე რამეს კიდევ მოიგონებენ, მაგრამ მაგათი საქმე დამთავრებულია, ხელისუფლებაში ვეღარ მოვლენ, რამის გაკეთების საშუალება რომ ჰქონოდათ, აქამდე გააკეთებდნენ. მარტო ლაპარაკობენ, როგორც მაშინ ხალხმრავალ მიტინგს მოვაწყობთო და რომ ვერ მოაწყვეს, მერე თქვეს, ისე გამოვიარეთო," - განაცხადა „რეზონანსთან" გიორგი ოთხმეზურმა.

წყარო :