საქართველოს რაგბის განვითარების მხარდაჭერის სახელმწიფო პროგრამის ფარგლებში ფონდ "ქართუს" მიერ აშენებული რაგბის მოედნები ჟურნალისტებმა დაათვალიერეს. გორის ნაგავსაყრელზე ევროსტანდარტების შესაბამისი სტადიონის აშენებისათვის ფონდმა 5 მილიონ ლარზე მეტი გამოყო.

საქართველოში ყველაზე დიდი ქუთაისის სარაგბო კომპლექსი კი 4 მოედანს აერთიანებს, აქედან 3 ბუნებრივი საფარით არის დაფარული. ბაზაზე მორაგბეებისათვის შენდება სასტუმროც,  სადაც ჩემპიონატის დროს სპოტსმენები დაბინავდებიან. სასტუმროს მშენებლობა რამდენიმე თვეში დასრულდება და მასზე 3 მილიონ ლარზე მეტია გამოყოფილი. სრულად, ქუთაისის სარაგბო კომპლექსის მშენებლობა ფონდ "ქართუს" 12 მილიონ ლარზე მეტი დაუჯდა და ცენტრალური მოედანი ერთდროულად 4870 მაყურებლის მიღებას შეძლებს. ქალაქ ფოთში მდებარე სარაგბო ბაზა კი 2450 მაყურებელზეა გათვლილი და მშენებლობის ხარჯმა 7 მილიონ ლარს გადააჭარბა.

ფონდ "ქართუს", საქართველოს მასშტაბით, 10 სარაგბო ბაზა აქვს აშენებული, 5 კი ამჟამად მშენებლობის პროცესშია. ჩამოთვლილ ყველა ბაზაზე ბავშვებისათვის რაგბის შესწავლა სრულიად უფასოა.

წყარო :