იოსებ ჭუმბურიძე საქართველოს პრემიერ მინისტრს გიორგი გახარიას მხარდაჭერას უცხადებს.

აქეთ - საქმე, იქით - მცონარობა.

აქეთ - პრემიერი, რომელიც დროდადრო ფრთხილად იქავებდა უძილობისგან დაღლილ თვალებს;

იქით - უსაქმურობით გაქსუებული ოპოზიცია, რომელსაც ენის ქავილი მოსძალებოდა...

***

აქეთ - საქმეზე მოსაუბრე პრემიერი;

იქით - მიშას ნაჩუქარი(ბიუჯეტის ხარჯზე) „ოქროს ძეწკვით" გრძელყელდამშვენებული ბოკუჩავა, რომელსაც სისხლიანი ხელები ელანდებოდა...

***

მარტო ბოკუჩავა რომ იყოს ოპოზიციის პრობლემა, ჩვენს ბედს ძაღლი არ დაჰყეფდა.

მაგრამ რამდენი თინა და ოთოა პარლამენტში და მით უფრო „გარე ოპოზიციაში?!"

***

და სათქმელი უნდა ითქვას.

უფალმა 183 წლის წინათ ილია გამოგვიგზავნა.

მოგვიკლეს.

81 წლის წინათ - ზვიადი.

მოვაკვლევინეთ.

ეს კაცი, რა თქმა უნდა, არც ილიაა და არც ზვიადი.

მაგრამ ეს კაციც ღვთის წყალობაა დღევანდელი საქართველოსთვის.

***

არ გინდა, იდგე პარლამენტის ტრიბუნასთან და ასე ღირსეულად გაუმკლავდე ბოკუჩავების, გოცირიძეების, ბოკერიების, სამადაშვილების უტიფრობას?!

***

მოკლედ, ღირსეული და საქმიანი კაცია გიორგი გახარია!

მივაფურთხოთ ეშმაკს(შეგიძლიათ, ოპოზიციაც იგულისხმოთ) და თუ სამშობლო ჭეშმარიტად გვიყვარს და მისთვის სიკეთე გვინდა, დავუდგეთ გვერდით.

***

შეხედეთ გახარიას, რომელიც ოთხი თვეა, პანდემიასთან ბრძოლას ხელმძღვანელობს და შეხედეთ ციხიდან გამოსულ უგულავას.

თვალებში შეხედეთ.

ოქრუაშვილს არ შეხედოთ, აზრი არა აქვს... - წერს იოსებ ჭუმბურიძე სოციალურ ქსელში