„სასამართლომ დადგენილება მერაბიშვილის არარეალურ მონათხრობზე დაყრდნობით გამოიტანა", - ამის შესახებ ვანო მერაბიშვილის საქმეზე ევროსასამართლოს გადაწყვეტილებაზე საუბრისას საქართველოს ყოფილმა მთავარმა პროკურორმა განაცხადა.

ოთარ ფარცხალაძის თქმით, მერაბიშვილს მისი ციხიდან გაყვანისა და პროკურატურაში მიყვანის ამბავი მოელანდა. 

„რას ამბობს სასამართლო, ფარცხალაძემ გაიყვანა ციხიდან მერაბიშვილიო?! რა განცდა დარჩა, ეგ არის ევროსასამართლოს საკითხი და გადასაწყვეტი, მე არ ვიცი, რა განცდა დარჩა", - აცხადებს ფარცხალაძე.