მწერალი დინა მირცხულავა 19 წლის ფეხბურთელის, გიორგი შაქარაშვილის გარდაცვალების ფაქტს ეხმაურება.

„დედად არ ვეკუთვნი, მაგრამ ასე მინდა ვუთხრა :

შვილო !

დედამისს მინდა ვუთხრა, გაუსაძლისია დედაჩემისნაირობა, არ არის კარგი, სულ ტკივილია...

მის დას მინდა ვუთხრა.

როგორ ვიცოცხლოო ?! - იკითხა.

იცოცხლებ, მაგრამ ვაი, იმ სიცოცხლეს.

ჩემსავით შეგრცხვება, გულიანად რომ გაიცინებ რამეზე.

კი, კი, მერწმუნე, გაიცინებ, მაგრამ სინდისის ხმა, ყოველთვის შეგახსენებს, რომ შენ დარჩი, ცოცხლობ და ის ვერა...

შვილო",- წერს მწერალი.