ევრო 2016-ის B ჯგუფში უკანასკნელი ტურის მატჩები გაიმართა. უელსის ნაკრები რუსეთს დაუპირისპირდა. ბრიტანელებს მატჩამდე აქტივში 3 ქულა ჰქონდათ და მომდევნო ეტაპზე გასასვლელად ქულების დაგროვება ესაჭიროებოდათ.

გუშინდელი სათამაშო დღე უელსელთათვის იღბლიანი გამოდგა. მათ რუსეთის ნაკრები 3:0 გაანადგურეს, პარალელურ შეხვედრაში კი ინგლისი და სლოვაკეთი ნულოვან ფრეზე გაიყარნენ.

აკინფეევის კარი აარონ რემზიმ (11'), ნეილ ტაილორმა (20') და გარეტ ბეილმა (67') აიღეს. შედეგად, უელსს აქტივში 6 ქულა დაუგროვდა და B ჯგუფის პირველ პოზიციაზე აღზევდა. „რეალის" ფორვარდის აქტივში მიმდინარე ტურნირზე 3 გატანილი გოლია და ამ მაჩვენებლით იგი ბომბარდირთა დავაში ლიდერობს.