სოფელ გამდლისწყაროში სასმელი წყლის სისტემის მოწყობის სამუშაოები მიმდინარეობს.  ელექტრონულ ტენდერში გამარჯვებულმა სს „სპეცჰიდრომშენმა“ წყლის ბურღვითი სამუშაოები   ჩაატარა და ამჟამად 150 მ³ ტევადობის რკინაბეტონის რეზერვუარის მშენებლობას ახორციელებს.

„სოფელში მცხოვრები 50  ოჯახი დღემდე  სოფლის ცენტრში მდებარე   ერთი საუბნო  წყაროთი და  2 საოჯახო ჭით სარგებლობს.  პროექტის დასრულების შემდეგ კი ყველა ოჯახი სასმელი წყლით იქნება უზრუნველყოფილი. სამუშაოების  ღირებულება  308 175 ლარია და მუნიციპალიტეტის ადგილობრივი ბიუჯეტიდან ფინანსდება. სასმელი წყალი სასიცოცხლო მნიშვნელობისაა და შესაძლებლობის ფარგლებში მაქსიმალურად ვცდილობთ მოსახლეობის მოთხოვნილების დაკმაყოფილებას“, - აღნიშნა კასპის მუნიციპალიტეტის მერის მოადგილემ ზაზა მარიდაშვილმა.