პროკურატურამ გიორგი შაქარაშვილის საქმეზე ექსპერტიზის დასკვნა გამოაქვეყნა. საქმეზე ოთხი ექსპერტი მუშაობდა, მათ შორის, 96 წლის რევაზ კაპანაძეა.

მას ამ სპეციალობით, 60-წლიანი სტაჟი აქვს. როგორც ოფიციალურ დოკუმენტში ვკითხულობთ, ის სამედიცინო ექსპერტიზის დეპარტამენტის ჰისტოლოგიური ექსპერტიზის სამმართველოს ექსპერტია.

მისი ბიოგრაფია ასე გამოიყურება:

კაპანაძემ თბილისის სახელმწიფო სამედიცინო ინსტიტუტის სამკურნალო ფაკულტეტი 1948 წელს დაამთავრა.

1948–1951წწ. იყო თბილისის პირველი კლინიკური საავადმყოფოს ექიმი–პათოლოგანატომი; 1952–1953წწ. თბილისის პირველი კლინიკური ტუბ. საავადმყოფოს პათოლოგანატომიური განყოფილების გამგე;

1953–1957წწ. მ. წინამძღვრიშვილის სახელობის კლინიკური და ექსპერიმენტული კარდიოლოგიის ინსტიტუტის პათოლოგანატომიური განყოფილების უმცროსი მეცნიერ–თანამშრომელი;

 1957–1960წწ. უფროსი მეცნიერ–თანამშრომელი;

1960–1968წწ. განყოფილების გამგე.

წყარო :