„მთავრობის და მინისტრების დონეზე კორუფციაზე ეჭვი არავის აქვს", - ამის შესახებ საქართველოს ყოფილმა პრემიერ­მინისტრმა, ბიძინა ივანიშვილმა  განაცხადა.

მისი თქმით, „შეგვიძლია, ვიამაყოთ, რომ საქართველომ გადადგა ძალიან დიდი ნაბიჯები ბოლო ოთხი წლის განმავლობაში".

„ვიდრე „ქართული ოცნება" მოვიდოდა ხელისუფლებაში, რაც შეიძლებოდა ყველა შეცდომა იქნა დაშვებული, სამოქალაქო ომიდან დაწყებული ელიტური კორუფციით, ადამიანის უფლებების უგულებელყოფით დასრულებული. ეს ყველაფერი   არსებობდა წინა ხელისუფლების პირობებში. აქედან გამომდინარე, სად ვიყავით ჩვენ და რა მოხდა ოთხი წლის განმავლობაში, არის ძალიან შთამბეჭდავი", - განაცხადა ბიძინა ივანიშვილმა.