“საქართველოში არსებული ეპიდსიტუაციის მიხედვით მეორე ტალღის რისკი არ არის”,- ამის შესახებ ჯანდაცვის მინისტრმა ეკატერინე ტიკარაძემ განაცხადა.

როგორც მინისტრმა აღნიშნა, ამჟამად ქვეყანაში კორონავირუსის 108 აქტიური შემთხვევა ფიქსირდება.

“ჯერ კიდევ, თუნდაც საზღვრიდან შემოსული მძღოლების შემთხვევაში, გყავს დაავადებული ადამიანების გარკვეული რიცხვი. აქედან გამომდინარე, ვრჩებით რეჟიმში, როდესაც ვაკვირდებით და გვაქვს მუდმივი მონიტორინგი ვირუსის გავრცელებასთან დაკავშირებით“,- აღნიშნა ეკატერინე ტიკარაძემ.

შეგახსენებთ, ამ დროის მონაცემებით საქართველოში კორონავირუსის 1 006 შემთხვევაა დადასტურებული, გამოჯანმრთელებულია 883 ადამიანი..