ილონ მასკის დედის, მაია მასკის წიგნის გამოცემის საავტორო უფლება საქართველოში "სეზანმა" მოიპოვა.

მოგეხსენებათ, SpaceX-ისა და Tesla-ს დამფუძნებლის, ილონ მასკის დედა, მაია მასკი, საკუთარი წიგნის - “A Woman Makes a Plan - ADVICE FOR A LIFETIME OF ADVENTURE, BEAUTY, AND SUCCESS” - ქართულ ენაზე გამოსაცემად საქართველოში გამომცემლობას ეძებდა. ამ ინტერესის შესახებ მაია მასკმა “ტვიტერზე" თავად დაწერა.

განცხადების პასუხად, წიგნის ავტორის სააგენტოს საქართველოდან უპრეცედენტოდ მაღალი ინტერესი მიუღია. შესაბამისად, შედგა აუქციონი ქართულ გამომცემლობებს შორის და აუქციონის გამარჯვებულად დღეს "სეზანი" ("სეზან ფაბლიშინგი") გამოცხადდა!

წიგნი ქართულ ბაზარზე უმოკლეს ვადაში, ამავე წლის შემოდგომაზე გამოვა!