საქართველოს პრემიერ მინისტრი გიორგი გახარია შვილთან, ანა გახარიასთან ერთად საქართველოს დენდროლოგიურ პარკში იმყოფებოდა.

პრემიერმა საკუთარი შთაბეჭდილებები საზოგადოებას სოციალურ ქსელში გაუზიარა.

„დღეს ანნამ და მე ერთად დავათვალიერეთ, უნიკალური პარკია!“- აცხადებს გიორგი გახარია.

საქართველოს დენდროლოგიური პარკი ფონდი„ ქართუსა“ და ბიძინა ივანიშვილის დაფინანსებით, შეკვეთილში გაშენდა. 60 ჰექტარზე გაშენებული ბაღი ადგილობრივი და მსოფლიო ეგზოტიკური ფლორის ათასობით სახეობას აერთიანებს. მცენარეთა უნიკალურ კოლექციასთან ერთად, პარკის ტერიტორიაზე მსოფლიოს ყველა კონტინენტის 58 სახეობის ფრინველი ბინადრობს.

 მსურველებს პარკის დათვალიერება უფასოდ შეეძლებათ.