ფილოლოგიის დოქტორი, ენათმეცნიერი ლევან ღვინჯილია სოციალურ ქსელში მორიგ წერილს აქვეყნებს:

„დღევანდელ დღეს, ზუსტად 75 წლის წინ, ადოლფ ჰიტლერმა გადმოლახა იმ ქვეყნის სახელმწიფო საზღვრები, რომელსაც იოსებ სტალინი მეთაურობდა; ყველას კარგად მოგეხსენებათ, ეს ომი რითაც დამთავრდა. მაშ ასე!!!

 ყურადღება, ყურადღება, ყურადღება !!!

ძვირფასო "ფეისმეგობრებო"!

ჩვენი ერთობლივი ბრძოლა "რომაელთა" წინააღმდეგ ახალ ფაზაში გადადის!!!

2016 წლის 1 ივლისიდან ვიწყებ ამ ბრძოლის მეორე, "საარტილერიო" ეტაპს, რომელიც იქნება სამართლიანი, დაუნდობელი და უკომპრომისო.

ამიტომ ყველას გთხოვთ, საჯაროდ და პირადად მაცნობოთ: ვინ მოდის ამ "ომში" ჩემთან ერთად "საბოლოო გამარჯვებამდე"?!

სამოქმედო სტრატეგიას გაგაცნობთ 1 ივლისს;

მანამდე კი დავითვლი, რამდენი ნამდვილი ქართველი იქნება მზად თავისი დედაენისა და მისი უნიკალური ანბანის ღირსების დასაცავად!!!

მასობრივი მობილიზაცია ამ წუთიდან დაიწყო!"