სირიის პრეზიდენტის ბაშარ ალ-ასადმა გერმანულ ტელეკომპანია „ARD"-სთვის მიცემულ ინტერვიუში განაცხადა, რომ ხელისუფლება ყველაფერს გააკეთებს სამშვიდობო ზავის დაცვის მიზნით.

ასადის განცხადებით, სირიაში ჰუმანიტარული კატასტროფაა, ხოლო სამშვიდობო ზავი სირიისთვის „იმედის სხივია".

სირიაში სამშვიდობო ზავი ძალაში 27 თებერვალს შევიდა და სირიის სამთავრობო არმიასა და ე.წ. ზომიერ ოპოზიციას შორის საბრძოლო მოქმედებების შეწყვეტას ითვალისწინებს. აღნიშნული შეთანხმება არ ვრცელდება „ისლამურ სახელმწიფოსა" და „ჯაბჰათ ალ-ნუსრაზე".