შოტლანდიის მთავრობის მეთაურმა ნიკოლა სტერჯენმა რეფერენდუმის შედეგების კომენტირებისას განაცხადა, რომ შოტლანდია საკუთარ თავს მხოლოდ ევროკავშირის შემადგენლობაში ხედავს.

„შოტლანდიამ ევროკავშირის შემადგენლობაში დარჩენას მისცა ხმა", - განაცხადა ნიკოლა სტერჯენმა.

შოტლანდიის მთავრობის მეთაური მანამდე აცხადებდა, რომ დიდი ბრიტანეთის ევროკავშირიდან გასვლა შესაძლოა, შოტლანდიის დამოუკიდებლობის საწინდარი გახდეს.

წინასწარი მონაცემებით, გუშინ ჩატარებული რეფერენდუმის დროს ევროკავშირში დარჩენას შოტლანდიის მოსახლეობის 62%-მა დაუჭირა მხარი.