ბელარუსის დედაქალაქში დღეს ორი დემონსტრაციაა დაგეგმილი.

მინსკში, დამოუკიდებლობის მოედანზე დღეს პრეზიდენტ ალექსანდრ ლუკაშენკოს მხარდამჭერი მიტინგი იმართება.

ადგილზე უკვე იკრიბებიან აქციის მონაწილეები, ასევე მიყვანილია სასოფლო-სამეურნეო ტექნიკა.

მოგვიანებით, ასევე დამოუკიდებლობის მოედანზე დაგეგმილია ანტისამთავრობო მსვლელობა „მარში თავისუფლებისთვის“, რომლის მონაწილეები ალექსანდრ ლუკაშენკოს გადადგომას, პოლიტპატიმრების გათავისუფლებასა და დემონსტრანტების წინააღმდეგ ძალის გამოყენებაზე პასუხისმგებელი სამართალდამცველების დასჯას ითხოვენ.

საპროტესტო გამოსვლები ბელარუსში 9 აგვისტოს ჩატარებული საპრეზიდენტო არჩევნების შემდეგ იმართება.