ბელარუსის პრეზიდენტი ალექსანდრ ლუკაშენკო მინსკში დამოუკიდებლობის მოედანზე, მისი მომხრეების მიერ ორგანიზებულ მიტინგზე მივიდა და შეკრებილებს სიტყვით მიმართა.

„მადლობა თქვენ, რომლებსაც ჩემთვის არასოდეს გიღალატიათ“ , - მიმართა ლუკაშენკომ შეკრებილებს.

მანამდე კი ბელარუსის პრეზიდენტსა და კრემლის ლიდერს ვლადიმერ პუტინს შორის სატელეფონო საუბარი გაიმართა. მათ, არჩევნების შემდეგ ბელარუსში არჩევნების შემდეგ შექმნილ ვითარებაზე იმსჯელეს.

პუტინმა ლუკაშენკოს მზადყოფნა დაუდასტურა, დაეხმაროს პრობლემების მოგვარებაში. ორივე მათგანმა განაცხადა, რომ მზად არიან, ერთობლივად მოახდინონ რეაგირება საგარეო საფრთხეებზე.