მსოფლიოში კორონავირუსით ინფიცირებულთა ჯამურმა რაოდენობამ 23 მილიონს გადააჭარბა და 23 037 518 შეადგინა.

ჯონს ჰოპკინსის უნივერსიტეტის მონაცემებით, აღრიცხულია კოვიდინფექციით გარდაცვალების 801 060 შემთხვევა, 14 778 188 ადამიანი კი გამოჯანმრთელდა.

გარდაცვლილთა რაოდენობით პირველ ადგილზეა აშშ (175 817 ადამიანი), მეორეზე - ბრაზილია (113 358 ადამიანი), მესამეზე - მექსიკა (59 610 ადამიანი), მეოთხეზე - ინდოეთი (55 794 ადამიანი), მეხუთე ადგილზე კი დიდი ბრიტანეთი (41 243 ადამიანი).