კანდელაკის ქუჩაზე მდებარე საკონდიტრო „ბელას" ტორტების მაღაზიაში ხანძარი გაჩნდა. 

„კვირას" საგანგებო სიტუაციების მართვის სააგენტოში განუცხადეს, რომ შემთხვევის შედეგად არავინ დაშავებულა. მათი ინფორმაციით, ცეცხლი მაცივარს გაუჩნდა, რის შედეგადაც დაიწვა საკონდიტროს 15კვ.მ ფართობი და თაროები.

შემთხვევის ადგილზე მობილიზებული იყო 3 სახანძრო მანქანა. ამ დროისთვის ხანძარი ლიკვიდირებულია.