ლიეტუვის საგარეო საქმეთა მინისტრ ლინას ლინკევიჩუსის განცხადებით, რუსეთის ბელარუსში შეჭრა გამორიცხული არ არის. ამის შესახებ განცხადება ლიეტუველმა დიპლომატმა ბერლინში, ევროკავშირის ქვეყნების საგარეო საქმეთა მინისტრების არაფორმალურ შეხვედრაზე გააკეთა.

„ჩვენ გუშინ მოვისმინეთ განცხადება, რომ რუსეთი ბელარუსში სარეზერვო ძალების გაგზავნას არ გამორიცხავს. ჯერ ეს არ მომხდარა, მაგრამ ამ შეჭრას ვერ გამოვრიცხავთ, რომელიც, სავარაუდოდ, ორმხრივი შეთანხმებებით ნაკისრი ვალდებულებების საფარქვეშ მოხდება“, – განაცხადა ლინას ლინკევიჩუსმა.

მისივე თქმით, რუსეთის ბელარუსში შესაძლო სამხედრო ინტერვენციას „იურიდიული, სამხედრო და პრაქტიკული საბაბი არ გააჩნია“.

„ევროკავშირმა უნდა შეინარჩუნოს რუსეთისთვის დაწესებული სანქციები, რადგან მიზეზები, რის გამოც ეს სანქციები დაწესდა, არ გამქრალა“, – განაცხადა ლიეტუვის საგარეო საქმეთა მინისტრმა.

წყარო :