საფრანგეთის სამხედროს ოფიცერს რუსეთისთვის საიდუმლო ინფორმაციის გადაცემაში ადანაშაულებენ. ამის შესახებ ინფორმაციას სააგენტო „როიტერი“ ფრანგულ მედიაზე დაყრდნობით ავრცელებს.

როგორც საფრანგეთის თავდაცვის სამინისტროში აცხადებენ, ფრანგმა ოფიცერმა, რომელიც იტალიაში დისლოცირებულ NATO-ს ძალებში მსახურობს, საიდუმლო დოკუმენტები რუსეთის სპეცსამსახურებს გადასცა.

„უსაფრთხოების წესების დარღვევის გამო უფროსი ოფიცრის წინააღმდეგ გამოძიება მიმდინარეობს“, – განაცხადა საფრანგეთის შეიარაღებული ძალების მინისტრმა, ფლორანს პარლიმ.