შოტლანდიის მთავრობის მეთაურის ნიკოლა სტერჯენის განცხადებით, შოტლანდია „ევროკავშირში თავისი ადგილის შენარჩუნების საკითხზე" ბრიუსელთან საგანგებო მოლაპარაკებებს იწყებს.

სტერჯენის თქმით, შოტლანდიის მინისტრთა კაბინეტი იწყებს მუშაობას საკანონმდებლო პროცედურებზე, რომელიც საშუალებას მისცემს შოტლანდიას, დიდი ბრიტანეთისგან დამოუკიდებლობის საკითხზე ახალი რეფერენდუმი ჩაატაროს.

ხუთშაბათს ჩატარებულ რეფერენდუმზე შოტლანდიელთა უმრავლესობამ ევროკავშირში დარჩენას დაუჭირა მხარი.