„საქართველოს რკინიგზის" საზოგადოებასთან ურთიერთობის სამსახურის უფროსი დაჩი ცაგურია ახალი, ორსართულიანი მატარებლების შესახებ აგორებულ მითქმა- მოთქმას ეხმაურება და სოციალურ ქსელში წერს:

„მას შემდეგ, რაც აბსურდული კამპანია ჩიხში შევიდა და ყველა შეკითხვას გაეცა პასუხი, დაიწყეს ჩემი ნაწერების გაყალბება, რაც მათ სრულ ბანკროტზე მიუთითებს. ამ სიყალბის შექმნაში და გავრცელებაში ჩანს მათი ყალბი, ცრუპარტიულ-კომკავშირლური სახე.

საქართველოს რკინიგზამ და კომპანია შტადლერმა გუშინ ყველა შეკითხვას ამომწურავად გასცა პასუხი და ამ თემასთან დაკავშირებით ჩვენ კომენტარს აღარ გავაკეთებთ. ამ ეტაპზე ველით ახალი მატარებლის ჩამოსვლას, რაც უმნიშვნელოვანესი მოვლენაა ჩვენი ქვეყნისათვის."