20:30-ის ექსპერტი, ეკონომისტი ლევან კალანდაძე, საქართველოს ეკონომიკურ მდგომარეობას „კურიერის" პირდაპირ ეთერში აფასებს და კვლევებს, რომლის მიხედვითაც, მოსახლეობა საკუთარი ეკონომიკური მდგომარეობით უკმაყოფილოა, "გადაჭარბებულს" უწოდებს.

„ჩვენ ვართ გარდამავალ პერიოდში გარკვეული ეკონომიკური ტრანზაქციის და ბუნებრივია ის, რომ საზოგადოების არის გარკვეული უკმაყოფილება, გარკვეული დისკომფორტი. ეს პრობლემები იყო წარსულში, არის დღესაც და სავარაუდოდ მომავალშიც იქნება," - განაცხადა ლევან კალანდაძემ.

კალანდაძე ლარის ნიშნულის დაწევის გამომწვევ მიზეზებზეც საუბრობს და აცხადებს, რომ მოლოდინი აქვს, რომ მომავალი კვირიდან ლარი გამყარებას დაიწყებს.

 „ყველა ის ფაქტორი, რაც საბოლოო ჯამში ლარის კურსს განაპირობებს, ეს იქნება პირდაპირი უცხოური ინვესტიციები, ტურიზმი,  ფულადი გზავნილები და სხვა, წელს პროგნოზის სახით გვაქვს პოზიტიური," - განაცხადა ლევან კალანდაძემ.