პოლიტიკური პარტია „პატრიოტთა ალიანსის“ ლიდერმი ირმა ინაშვილი 2020 წლის საპარლამენტო არჩევნებში თბილისის ერთ-ერთი უბნის მაჟორიტარობის კანდიდატის სტატუსით მიიღებს მონაწილეობას, - ამის შესახებ მან ტელეკომპანია „რუსთავი2“-ის ეთერში განაცხადა.

მისი თქმით, 8 სექტემბერს დაგეგმილ პრეზენტაციაზე გახდება ცნობილი, კონკრეტულად დედაქალაქის რომელ უბანში დააყენებს მაჟორიტარ დეპუტატად თავის კანდიდატურას. „საგარეჯოს და დედოფლის წყაროს საპატიო მოქალაქე ვარ, მაგრამ კენჭს თბილისში ვიყრი“, - აღნიშნა ინაშვილმა.

საქართველოში საპარლამენტო არჩევნები 2020 წლის 31 ოქტომბერს იმართება.