რუსეთში ბოლო ერთ დღეში კორონავირუსის 5 504 ახალი შემთხვევა დადასტურდა. რუსული მედია კორონავირუსის გავრცელებასთან ბრძოლის ოპერატიულ შტაბზე დაყრდნობით წერს, რომ ეს 30 ივლისს შემდეგ ყველაზე მაღალი მაჩვენებელია. ეპიდემიის დაწყების შემდეგ რუსეთში „კოვიდ 19“-ით 1 051 874 ადამიანი დაინფიცირდა.

გასული დღე-ღამის განმავლობაში რუსეთში კორონავირუსულ ინფექციას 102 ადამიანი ემსხვერპლა, საერთო ჯამში კი, ქვეყანაში „კოვიდ 19“-ის მსხვერპლთა რაოდენობა 18 365-ს აღწევს.

ბოლო 24 საათში რუსეთში ვირუსისგან 5 734 ადამიანი გამოჯანმრთელდა, საერთო ჯამში კი, ქვეყანაში უკვე 868 107 ადამიანია განკურნებული.