გორში ახალგაზრდა მამაკაცი მოკლეს. შემთხვევა ცოტა ხნის წინ ანწუხელიძის ქუჩაზე მოხდა.

როგორც ადგილობრივები ამბობენ, მკვლელობას წინ ურთიერთშელაპარაკება უძღვოდა, მათივე ინფორმაციით, გარდაცვლილს ჭრილობა დანით აქვს მიყენებული.

ადგილზე ექსპერტ-კრიმინალისტები მუშაობენ.

როგორც შინაგან საქმეთა სამინისტროში საქართველოს პირველ არხს განუცხადეს, მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.

წყარო :