საქართველოს მე-9 მოწვევის პარლამენტის ფრაქცია „ქართული ოცნების“ წევრი, დავით სონღულაშვილი "ლელოს" წევრ საბა ბუაძეს ცრუ ინფორმაციის გავრცელებაში ადანაშაულებს, რომლის მიხედვითაც, სონღულაშვილის დეკლარაციაში ასახული გადასესხების ფაქტი ეხება თანხის ხელზე გადასესხებას.

"პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.

ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას. ვისურვებდი, რომ წინასაარჩევნო კამპანია ყველამ აწარმოოს კეთილსინდისიერად და პოლიტიკური ქულების ჩასაწერად ნუ დავწამებთ ოპონენტებს ცილს და ნუ შევიყვანთ საზოგადოებას შეცდომაში.

ვურჩევდი ბატონ ბუაძეს, რომ ნუ იჩქარებენ, ჯერ გადაამოწმონ ინფორმაცია იმისთვის, რომ უხერხულ მდგომარეობაში არ ჩააყენონ არც თავიანთი თავი და არც თავიანთი პარტია", - აცხადებს სონღულაშვილი.