ბოლო დღე-ღამის განმავლობაში, რუსეთში კორონავირუსით ინფიცირების 8 232 შემთხვევა გამოვლინდა, 160 პაციენტი კი გარდაიცვალა.

შესაბამისი მონაცემები რუსეთის ხელისუფლების სპეციალურ ვებგვერდზე გამოქვეყნდა.

ოფიციალური სტატისტიკით, პანდემიის დაწყებიდან დღემდე, ქვეყანაში კორონავირუსის მილიონ 167 ათასზე მეტი შემთხვევაა დადასტურებული, მათ შორის, 952 399 გამოჯანმრთელდა, 20 545 პაციენტი კი, გარდაიცვალა.

ქვეყნის დედაქალაქ მოსკოვში 27 სექტემბრიდან კვლავ შემოიღეს ნაწილობრივი შეზღუდვები, სკოლები დროებით კვლავ დაიხურა და მოსწავლეები ორკვირიან არდადეგებზე გაუშვეს. მოსკოვის მერმა  65 წელზე მეტი ასაკის ადამიანებს სახლში დარჩენისაკენ მოუწოდა.