ევროპარლამენტმა რეზოლუცია მიიღო, რომელიც დიდი ბრიტანეთის ევროკავშირიდან გასვლის ფორმალური პროცედურის დაუყონებლივ დაწყების შესახებ შეიცავს მოწოდებებს. დოკუმენტს 395 დეპუტატმა დაუჭირა მხარი, 200 წინააღმდეგი იყო, 71-მა კი თავი შეიკავა.

მანამდე, ევროკომისიის პრეზიდენტმა ჟან-კლოდ იუნკერმა განაცხადა, რომ დიდი ბრიტანეთის პრემიერ-მინისტრ დევიდ ქემერონთან შეხვედრაზე მოუწოდა მას, რაც შეიძლება მალე განმარტოს ქვეყნის პოზიცია დიდი ბრიტანეთის ევროკავშირიდან გასვლასთან დაკავშირებით.