„სახელმწიფო ვირუსს მართავს და მას აკისრია მისი წილი პასუხისმგებლობა, სახელმწიფოს პასუხისმგებლობაა, რომ წესების აღსრულება სათანადოდ გააკონტროლოს, თუმცა ეს პასუხისმგებლობა, რომელიც ვირუსის შენელებისკენ არის მიმართული, გაზიარებული პასუხისმგებლობაა“, - ამის შესახებ მთავრობის ადმინისტრაციის უფროსმა განაცხადა.

ნათია მეზვრიშვილის თქმით, თავისი წილი პასუხისმგებლობა აქვთ ორგანიზაციებს, კერძო სექტორს.

„ასევე - მოქალაქეს, რაც ნიშნავს, რომ დადგენილი წესები ყველა სუბიექტმა უნდა დაიცვას. სხვაგვარად წარმოუდგენელია ვირუსის გავრცელების შენელება, როდესაც არ ვაპირებთ მკაცრი შეზღუდვების დაწესებას მთელი ქვეყნის მასშტაბით, რადგან ამას ეკონომიკა ვერ გაუძლებს“, - განაცხადა ნათია მეზვრიშვილმა.

მისივე თქმით, ინფიცირებულების გაზრდილი რაოდენობა პირდაპირ არის დაკავშირებული წესების დარღვევასთან.

„თითოეული გაუკეთებელი პირბადე, დაუცველი დისტანცია ნიშნავს იმას, რომ შემთხვევების რაოდენობა გაიზრდება“, - აღნიშნა ნათია მეზვრიშვილმა.

საქართველოში კორონავირუსი დღეს კიდევ 1186 ადამიანს დაუდასტურდა, 278 პაციენტი კი გამოჯანმრთელდა. 7 პაციენტი გარდაიცვალა.

წყარო :