საზოგადოებასთან ურთიერთობების საკითხებში „ქართული ოცნების“ კონსულტანტი ლაშა ნაცვლიშვილი, არასამთავრობო ორგანიზაციების განცხადებას იმის შესახებ, რომ დავითგარეჯას საქმეში ბრალდებულები „სინდისის პატიმრები“ არიან, სოციალურ ქსელში ეხმაურება.

„რამდენიმე არასამთავრობომ გარეჯის საქმეზე ბრალდებულებს „სინდისის პატიმრები“ უწოდა. ამ „ენჯეო“-თა უსინდისობაზე ახლა არ შვჩერდები – ისტორია და ხალხი მიუჩენს მათ სათანადო ადგილს. ამჯერად, მათი აზროვნების სიდუხჭირეზე მინდა, გავამახვილო თქვენი ყურადღება: „სინდისის პატიმარი“ – ყველა ქრესტომათიული განმარტებით, რწმენისა და შეხედულებების გამო სისხლის სამართლის წესით დევნილს ნიშნავს. ჰოდა, რა გვითხრეს არასამთავრობოებმა ამ განცხადებით? რა და – მელაშვილსა და ილიჩოვას სწამთ, რომ დავითგარეჯი აზებაიჯანს ეკუთვნის და პროკურატურა მათ ამ რწმენის გამო დევნისო.

P.S. ისევ გენდერზე რომ წეროთ, ვერა?“ – წერს ლაშა ნაცვლიშვილი „ფეისბუქის“ საკუთარ გვერდზე.