სოციოლოგი ზურაბ ბიგვავა „რუსთავი 2"-ის დაკვეთით კომპანია GFK-ის მიერ ჩატარებული კვლევის შედეგებს ეხმაურება.

„მახსოვს, ეგზიტპოლი იყო ჩატარებული და ისეთი შედეგი დადეს მაშინ, რომელიც მნიშვნელოვნად აცდენაში იყო რეალობასთან. ბუნებრივია, ეჭვი დღესაც შეიძლება გაჩნდეს და ძალიან ლეგიტიმური ეჭვია, რომელიც გამოითქვა. მე დარწმუნებული ვარ, რომ ყველა კვლევა, რომელიც კვალიფიციურად ტარდება, ამ შედეგს აცდენილია", - აცხადებს ზურაბ ბიგვავა.

შეგახსენებთ: ამ ორგანიზაციის სახელს უკავშირდება 2012 წლის საპარლამენტო არჩევნების პერიოდში საზოგადოებრივი მაუწყებლის მიერ დაკვეთილი ეგზიტპოლები. ზუსტად 4 წლის წინ „საზოგადოებრივმა მაუწყებელმა" სწორედ GFK-ის დაუკვეთა კვლევა და შედეგად მიიღო რიცხვები, რომლებიც საბოლოოდ არჩევნების შედეგებისაგან თითქმის 20%-ით განსხვავდებოდა.