საჯარო რეესტრის ეროვნულმა სააგენტომ გიორგი ვაშაძის ახალი პოლიტიკური პარტიის რეგისტრაცია დროებით შეაჩერა.

მიზეზი კი პარტიის წევრების შესახებ ინფორმაციაში აღმოჩენილი ხარვეზია, რომლის გამოსასწორებლად მას 10-დღიანი ვადა მიეცა.

„სულ დადგინდა 1848 ადამიანი, რომელთაგან 636­ის სრულყოფილად შედგენილი, 1212­ის კი ხარვეზიანი მონაცემი აღმოჩნდა".

რეესტრის ინფორმაციით, სიაში შეყვანილია 1 გარდაცვლილი, უცხო ქვეყნის 3 მოქალაქე და 11 არასრულწლოვანი პირი. 1000 წევრამდე სიის შესავსებად პოლიტიკურ გაერთიანებას 364 წევრის სრულყოფილი, სწორი მონაცემი აკლია.

„მოქალაქეთა პოლიტიკური გაერთიანებების შესახებ" საქართველოს ორგანული კანონის 22­ე მუხლის მე­2 პუნქტის „გ" ქვეპუნქტის თანახმად, საჯარო რეესტრის ეროვნულ სააგენტოს წარედგინება, პარტიის არანაკლებ 1000 წევრის სია მონაცემებით", - აღნიშნულია რეესტრის ინფორმაციაში.