ამერიკის ელჩი საქართველოში, იან კელი ტელეკომპანია „რუსთავი 2"-ის საქმესთან დაკავშირებით კომენტარს აკეთებს. მისი თქმით, „რუსთავი 2" არის ოპოზიციური წამყვანი ტელევიზია.

„რაც შეეხება „რუსთავი 2"-ის საქმესთან დაკავშირებულ გამოკითხვის შედეგებს, მე ვერ მივცემდი ასეთ დახასიათებას, რომ ეს არის პოლიტიკური სახის საქმე, მაგრამ მე ადრეც ვთქვი, რომ „რუსთავი 2" არის ოპიზიციური წამყვანი ტელევიზია, შესაბამისად მნიშვნელოვანია, რომ არჩევნებამდე ის დარჩეს ღია", - განაცხადა იან კელიმ.

სამაუწყებლო კომპანია „რუსთავი 2" - ის დაკვეთით ამერიკულმა ორგანიზაცია GFK-მ სოციალური კვლევები გამოაქვეყნა.

კითხვაზე „რუსთავი 2"-ის საქმესთან დაკავშირებით რომელი უკეთ ასახავს თქვენს დამოკიდებულებას შედეგები ასე გადანაწილდა: კერძო დავა - 29.3%; პოლიტიკურად მოტივირებულია - 38.9%; ორივე - 14.4%; უარი პასუხზე - 3.8%; არ ვიცი - 13.9%;