ის სკოლები, სადაც საარჩევნო უბნები იქნება გახსნილი, დღეიდან დისტანციური სწავლის რეჟიმში გადავიდნენ. აღნიშნულ სკოლებში სწავლა ონლაინ რეჟიმში ოთხშაბათს, ხუთშაბათს და პარასკევს ჩატარდება.

„მოგეხსენებათ საარჩევნო უბნები ზოგიერთ სკოლაშია განთავსებული. იმ სკოლებში, სადაც საარჩევნო უბანია განთავსებული, არჩევნებისთვის მოსამზადებელი სამუშაოების ჩატარების გამო 28 ოქტომბრიდან დროებით დისტანციურ რეჟიმზე გადავლენ“, - განაცხადა განათლების მინისტრმა მიხეილ ჩხენკელმა გასულ კვირას გამართული მთავრობის სხდომის შემდეგ.