„ამოსულ ბიულეტენებს, რაც დაფიქსირებულია და ასახულია, ხელი 10 000 ოპოზიციონერმა მოაწერა და ისინი ადასტურებენ, რომ ხმები სათანადოდ იყო დათვლილი“, - ამის შესახებ „ქართული ოცნების“ ცენტრალურ ოფისში გამართულ ბრიფინგზე პარტიის აღმასრულებელმა მდივანმა, ირაკლი კობახიძემ განაცხადა.

მისი თქმით, 10,000 კომისიის წევრი ოპოზიციიდან ხელს აწერს ამ ციფრებს, რაც არც თამარ ჟვანიას და მით უმეტეს, არც ცესკო-ს ციფრები არ არის.

ცესკო-ს მონაცემებით, უბნების 80.22%-ის მიხედვით, „ქართულ ოცნებას“ - 48.34%; „ნაციონალურ მოძრაობას“ კი 26,43% აქვს.