"გულწრფელად, მეგონა უფრო მეტ პროცენტულ მაჩვენებელს მივიღებდით." - ამბობს ქართული ოცნების გენერალური მდივანი კახა კალაძე ინტერვიუში.

"ქართულმა ოცნებამ იგივე შედეგი დადო, რაც 2016 წელს. დამატებით, 100 000-ზე ცოტა მეტი ხმა მივიღეთ, უბრალოდ, 2016 წელთან შედარებით ძალიან ბევრი ადამიანი იყო მოსული არჩევნებზე და ამის გამო მივიღეთ 48%.

მე გეტყვით ჩემს დამოკიდებულებას, გულწრფელად, მე მეგონა, რომ უფრო მეტს მივიღებდით პროცენტულ მაჩვენებელს. ასევე, მეგონა, რომ ამდენი მეორე ტური არ დაგჭრიდებოდა. თუმცა აქ არაფერი საგანგაშო არ არის, ესეც დემოკრატიული პროცესების ნაწილია." - ამბობს კალაძე იმედთან ინტერვიუში.

ცესკოს ინფორმაციით, ქვეყნის მასშტაბით უკვე დათვლილია უბნების 100%. არჩევნების პროპორციული შედეგები პარტიების მიხედვით შემდეგნაირად ნაწილდება:

ქართული ოცნება – 48.15%

ენმ-ძალა ერთობაშია – 27.14

ევროპული საქართველო – 3.78%

ლელო – 3.15%

სტრატეგია აღმაშენებელი – 3.15%

პატრიოტთა ალიანსი – 3.14%

გირჩი – 2.86%

მოქალაქეები – 1.33%

ლეიბორისტული პარტია – 1%

ასევე, თბილისში ყველა ოლქში მეორე ტური გაიმართება.

წყარო :