სომხეთის პრემიერ-მინისტრ ნიკოლ ფაშინიანის განცხადების შემდეგ, ერევანში, რესპუბლიკის მოედანზე ასობით ადამიანი შეიკრიბა. ისინი პრემიერის მიერ მიღებულ გადაწყვეტილებას აპროტესტებენ.

შეკრებილები ხალხს მოუწოდებენ, ქუჩებში გამოვიდნენ.

„ჩვენ არ დავთმობთ მიწებს“, – სკანდირებენ აქციის მონაწილეები.

მთავრობის სახლთან სამართალდამცველები არიან მობილიზებულნი.

სომხეთის პრემიერ-მინისტრმა, ნიკოლ ფაშინიანმა ცოტა ხნის წინ განაცხადა, რომ რუსეთისა და აზერბაიჯანის პრეზიდენტებთან ხელი მოაწერა შეთანხმებას, რომელიც მთიან ყარაბაღში საომარი მოქმედებების შეწყვეტას ითვალისწინებს.