ჯანდაცვის მსოფლიო ორგანიზაციის განცხადებით, ბოლო ერთი კვირის განმავლობაში, ევროპაში კორონავირუსის ახალი შემთხვევების რაოდენობა 10%-ით შემცირდა.

როგორც უწყებაში აღნიშნავენ, ევროპაში მსგავსი მაჩვენებელი პირველად სამი თვის განმავლობაში დაფიქსირდა.

„ევროპის რეგიონზე გლობალური კოვიდ-შემთხვევების 46% და კორონავირუსით სიკვდილიანობის 49% მოდის“, - ნათქვამია ჯანდაცვის მსოფლიო ორგანიზაციის განცხადებაში.

ამასთანავე, ახალი შემთხვევების შემცირების მიუხედავად, ბოლო ერთი კვირის განმავლობაში, ევროპაში კორონავირუსით სიკვდილიანობის მაჩვენებელი წინა კვირასთან შედარებით 18%-ით გაიზარდა.

ჯანმო-ში აცხადებენ, რომ ევროპაში კორონავირუსის ახალი შემთხვევების შემცირება დაწესებული შეზღუდვების შედეგია.

წყარო :