აშშ-ის სახელმწიფო მდივანი მაიკ პომპეო ისრაელის პრემიერ-მინისტრს შეხვდა. მაიკ პომპეომ და ბენიამინ ნეთანიაჰუმ იერუსალიმში ერთობლივი ბრიფინგი გამართეს.

თავის გამოსვლაში აშშ-ის სახელმწიფო მდივანმა განაცხადა, რომ ის გოლანის მაღლობების მონახულებას აპირებს.

შეგახსენებთ, რომ აშშ-მა დონალდ ტრამპის ადმინისტრაციის პირობებში, გოლანის მაღლობებზე ისრაელის სუვერენიტეტი აღიარა.

„დღეს მე მექნება შესაძლებლობა, გოლანის მაღლობებს ვეწვიო“, – განაცხადა მაიკ პომპეომ.

როგორც ცნობილია, ამერიკელი დიპლომატი ასევე ჩავა მდინარე იორდანეს დასავლეთ სანაპიროზეც.

შეგახსენებთ, რომ აშშ-ის სახელმწიფო მდივანი ისრაელში საქართველოდან ჩავიდა. მაიკ პომპეო ტურნეს ფარგლებში ასევე ეწვევა არაბეთის გაერთიანებულ საამიროებს, ყატარსა და საუდის არაბეთსაც.

წყარო :