„ღმერთო, სადამდე დაეცა ჩვენი ისედაც შელახული ზნეობა?!" - ამის შესახებ სოციალურ ქსელში რეჟისორი რობერტ სტურუა წერს და ერთ ამბავსაც ჰყვება:

„ერთხელ წარმოუდგენელ ამბავს წავაწყდი: ქალაქ სტოკჰოლმში, შვედეთის ეროვნულ მუზეუმში, ნივთების და არტეფაქტების რევიზია ჩაატარეს და აღმოჩნდა, რომ უძვირფასესი ექსპონატები უკვალოდ გაქრა.

ფიროსმანის დაკიდება მოინდომა ერთმა პროვინციალმა ჯალათმა თავის უნიჭო კაბინეტში და... დაკიდა კიდეც! მაშინ რაღაც მორიდებული სკანდალის შემდეგ ნაცისტებმა მიასუფთავ-მოასუფთავეს, მოკლედ, მიჩქმალეს, დაადუმეს მოწრიპინე გმირები, არავინ იცის, რა მოხდა სინამდვილეში.

ავი ჩურჩული მესმის (ვინ გაიგებს, ჭორია თუ მართალი), რომ მუზეუმიდან რაღაც-რაღაცეები გადამთიელებმა წაიღესო. თუ წმ.ექვთიმე ღვთისკაცის სასოებით შემონახულ განძს ერთი ნივთიც დააკლდა, რა უნდა ქნას ქართველმა?! ღმერთო, სადამდე დაეცა ჩვენი ისედაც შელახული ზნეობა?!

P.S. ერთი იმერელი მეორე ფიროსმანს ჩუქნის ერს, მეორე - აპარტამენტს ცენტრალურ პარკთან თავის ასპაზიას!" - წერს რობერტ სტურუა.