საქართველოს მთავარი პროკურორის მოადგილე გიორგი გოგაძემ ჟურნალისტებს განუცხადა, რომ ე.წ. შეწყალების საქმეზე გამოძიება ბოლო ეტაპზეა. მისი თქმით, სანამ გამოძიება არ დასრულდება, დამატებით დეტალებზე ვერ ისაუბრებს.

„ეს საქმე გამოძიების ბოლო ეტაპზეა და ძალიან მალე გაიგებთ, თუ რა დადგინდება. სანამ გამოძიება არ დასრულდება, რამის თქმა არასერიოზული იქნება", - განაცხადა გიორგი გოგაძემ.