თურქეთის პრეზიდენტმა, რეჯეფ ტაიპ ერდოღანმა იმედი გამოთქვა, რომ საფრანგეთი რაც შეიძლება მალე მოიშორებს პრეზიდენტ ემანუელ მაკრონს.

„მაკრონი საფრანგეთის პრობლემაა. მაკრონთან ერთად საფრანგეთი ძალიან საშიშ პერიოდს განიცდის. იმედი მაქვს, საფრანგეთი რაც შეიძლება მალე მოიშორებს მაკრონის პრობლემას“, - განაცხადა თურქეთის პრეზიდენტმა.

თურქეთსა და საფრანგეთს შორის ურთიერთობები გასულ წელს გაუარესდა, განსაკუთრებით სირიის, ლიბიის, აღმოსავლეთ ხმელთაშუაზღვისპირეთისა და მთიანი ყარაბაღის საკითხებზე უთანხმოების გამო. მიმდინარე წლის ოქტომბერში რეჯეფ ტაიპ ერდოღანმა ეჭვქვეშ დააყენა ემანუელ მაკრონის ფსიქიკური ჯანმრთელობა და ის ისლამის წინააღმდეგ სიძულვილის კამპანიის გატარებაში დაადანაშაულა.

წყარო :