უფლებადამცველი ნიკოლოზ მჟავანაძე facebook-ზე წერს:

„ეს არის ბედის ირონია! იმ დროს, როცა მთელი საქართველო აეროპორტში ელოდებოდა სააკაშვილის რეჟიმის მიერ წამებულ სულხან მოლაშვილის ცხედარს, სარფში სააკაშვილის რეჟიმის წარმომადგენელს ლევან ვარშალომიძეს ელოდებიან ნაცხროვის ნარჩენები და ტრანსპარანტებით და შეძახილებით „ჩვენ დავბრუნდბითო" გაჰყვირიან", - წერს მჟავანაძე.

აჭარის მთავრობის ყოფილი თავმჯდომარე ლევან ვარშალომიძე საქართველოში სარფის საბაჟო-გამშვები პუნქტის გავლით შემოვიდა. მის დასახვედრად ადგილზე „ნაციონალური მოძრაობის" წარმომადგენლები და მხარდამჭერები შეიკრიბნენ. ვარშალომიძის დასახვედრად სარფში ჩავიდა მიხეილ სააკაშვილის მეუღლე სანდრა რულოვსიც.