საპარლამენტო უმრავლესობის წევრი გიორგი ვოლსკი კონტროლის პალატის ყოფილი თავმჯდომარის სულხან მოლაშვილის გარდაცვალების შემდეგ გავრცელებულ პეტიციას ეხმაურება.

„2004-2012 წლების ანგარიშშიც არის მოცემული წამების წარმოუდგენელი ფაქტები, რომელიც ქვეყნის ავტორიტეტს სერიოზულ ზიანს აყენებს, მაგრამ ყველაზე დიდი ზიანი კონკრეტულ ადამიანებს მიადგათ. მათ შორის არის სულხან მოლაშვილიც. ყველა პარტიამ, საზოგადოებრივმა მოძრაობამ, არასამთავრობო ორგანიზაციამ ხმა უნდა ამოიღონ და ერთხელ და სამუდამოდ თქვან თავიანთი პოზიცია, რას ნიშნავს ადამიანის წამების შემდეგ, ადამიანის გარდაცვალება კონკრეტული ოჯახისათვის და ქვეყნისათვის. ეს არის შეფასება.

რაც შეეხება გამოძიებას, უნდა დაიკითხოს, აუცილებელია. მაგრამ სათავე ამ ბოროტების, მოსმენის, წამების, პოლიტიკური ნიშნით დევნის, არის ოდესის გუბერნატორი", - განაცხადა გიორგი ვოლსკიმ.