logo_geo
eng_logo
ავსტრიის პოლიციამ ვენაში ნოემბრის დასაწყისში მომხდარი ტერორისტული თავდასხმის გამოძიების ფარგლებში კიდევ ორი პირი დააკავა
- +

20 დეკემბერი. 2020. 13:56

 

 

ავსტრიის პოლიციამ ვენაში ნოემბრის დასაწყისში განხორციელებული ტერორისტული თავდასხმის გამოძიების ფარგლებში კიდევ ორი ეჭვმიტანილი დააკავა.

 

ამის შესახებ ინფორმაციას სააგენტო „როიტერი“ ავსტრიის პროკურატურაზე დაყრდნობით ავრცელებს.

 

როგორც ვენის პროკურატურის პრესსამსახურში განაცხადეს, ერთ-ერთი დაკავებული 26 წლის პირია. ის წარმოშობით ავღანელი ავსტრიის მოქალაქეა. მისი დნმ-ის ნიმუში იმ ცეცხლსასროლ იარაღზე აღმოაჩინეს, რომლითაც ჯიჰადისტმა ოთხი ადამიანი მოკლა. მეორე დაკავებულის შესახებ ინფორმაცია არ გავრცელებულა.

 

ნოემბრის დასაწყისში 20 წლის შეიარაღებულმა მამაკაცმა ვენის ცენტრში ცეცხლი გახსნა და ოთხი ადამიანი მოკლა. პოლიციამ მომხდარი ტერორისტულ თავდასხმად შეფასა. თავდასხმასთან კავშირის ბრალდებით უკვე დაკავებულია 15 ადამიანი.

 

 

 

 

 

წყარო : wyaro
right_banner right_banner
არქივი
right_banner